ه‍.ش. ۱۳۹۲ مرداد ۶, یکشنبه

آوغانیستان تورکمنلرینینگ مدنی توپلومینا بیرییتگی


غینانچ خاطی (تسلیت ناما)
            افغانستان ترکمنلری نینگ تانیمال فرهنگی وسیاسی شخصیتی استاد عبدالکریم بهمن 4- نجی اسد 1392 / 26- نجی جولای 2013 گونی سگسن اوچ یاشیندا مزارشریف شهرینده  مرحوم بولیپ دیر. مرحوم، تجدد ومدرن دورینده اوغانستان ترکمنلرنینگ ایچینده عمله گلن فرهنگی نسلینگ ایلکینجی لریندن دیر. استاد عبدالکریم بهمن ینگ مرحوم بولماغی افغانستان ترکمنلرینه اولی بیر یتگی دیر.
            مرحوم 1309 نجی هـ. ش. ییلدا آندخوی ولسواللیغی نینگ باغبوستان غیشلاغیندا دوًنیا اینیار. آتاسی قربان سردار تورکمن توپراغی نینگ اشغالینا قارشی بولشویکلر بیلن اوریشان وافغانستان توکمنلری نینگ اؤنگده باریجی یاش اولی لاریندان دیر.
            استاد عبدالکریم 1330 نجی ییلدان باشلاپ قورغان ینگ باشلانغیچ مکتبینده معلم صفتدا ایشه باشلایار، و50 ییللاپ آندخوی، میمنه، درزاب، شبیرغان، کابل ومزارشریف شهرلرینده مقدس معلمچیلیک وظیفه سینه دوام بریپ مونگلرچه شاگردلر تربیه اتدی. مرحوم استاد بهمن 1329 نجی ییلدان باشلاپ اثریازماغا، شعر آیتمانا باشلایار. مرحوم 40- نجی ییل لاردا «فاریاب» جریده سینده، قیزیل گل، آق گل واشکبار مستعار آدلاریندا تنقیدی مقاله لار یازماق بیلن وشول گونکی حاکم غاتلاق لارینگ ظلم وستم لرینی فاش اتمک، وخالقی حقیقت وعدالت طرفا چکمک یولیندا کؤپ زحمت لر بیلن اولی نقش اوینادی. استاد بهمن دئن 10 دان کؤپ منظوم و منثور اثرلری چاپ بولدی. اُلاردان، «ترکمن گؤرنیشی تاریخدا»، «بوغیلان سسلر»، «غارری قلم»، «یوًرئک دردی»، «آق یول»، «انه مهری»، «تؤرت گل»، یالی اثرلرینی آد توتیپ بولار. مرحومینگ  معارفا غاتی علاقه سی بولانی اوچین، تقاعد / بازنشسته بولاندان سونگام فرهنگی ایشلرینه دوام بردی. سونگقی ییلاردا هم معارف وزارتی نینگ تالیف و ترجمه ریاستی بیلن همکارلیگی باردی. مرحوم سیاحت و مطالعه ادمگی یاغشی گؤرئردی. شاگردلرینه و علاقمندلرینه هم همیشه مطالعه اتمه گی توصیه ادردی.
            مرحوم ع. بهمن آزادلیق، عدالت و دموکراسی یولیندا  یاداوسیز تلاش ادنلردن وکؤپچیلیگه پیدالی بولان اجتماعی، اقتصادی، مدنی وادبی ایشلرده اؤنگده باریجی فعال لاردان دی. مرحوم مدنیتی اؤسدیرمه گینگ طرفداریدی، وشول سببدن افغانستان تورکمنلری نینگ تاریخیندا ایز غالدیران استعماری توطئه لرینگ شوم قالیندیلارینی خنثی اتمک یولیندا کؤپ زحمت لر چکیپ اثرلر دؤرئتدی.
            بیز مرحوم استاد عبدالکریم بهمن ینگ یادینی یادلاماق واولی حرمت غویماق بیله عایله اعضا سینا، قارینداش لارینا، باش ساغلیق، صبر و اوزاق عمر دیلییوریس.  
            ایزی یاراسین، غالان لاری نینگ  یاشی اوزین بولسین! 
                                                                                                          1392-5-5/ 2013-7-27
محمد صالح ییلدیریم، غلام ساخی بهرامیان، یوسف کـُر، آشیر توماج ،شیرمحمد بیات، رسول راسخ ، حاجی محمد کـُر، عبدالله گلدی پور،  تیمور کـُر، حاجی محمد نورانی، موخی بصیری، طاهیر شیرمحمدلی 
---------------------------------------------------------------------
"تورکمن کولتور وآرقالاشما بیرلشیگی" بو ییتگینی آوغانیستاندا یاشایان ترکمنلرینگ مدنی توپلومینا غینانچ بیلدیریپ ، مرحوم ینگ غالان لارینا ودوست- یارلارینا  باش ساغلیق دیله یار. 2013-07-28

هیچ نظری موجود نیست: